Directorate of Local Administration Department, Government of Mizoram, India

THE LUSHAI HILLS DISTRICT
(JHUMMING) REGULATION, 1954
(LUSHAI HILLS REGULATION NO. II, 1954)

He Dân hi India Constitution Sixth Schedule tlawhchhana Lushai Hills District Council-in kum 1954-a a siam a ni. Ni 25/8/1954 niin Governor of Assam pawmpuina (assent) lâk a ni a. Tichuan, Assam Sorkâr-a Tribal Areas Department chuan Notification No. TAD/R/61/53/44 dated 6th September, 1954 hmangin a chhuah (published) ta a, chu chu Assam Gazette dated 15^th September, 1954-ah chhuah a ni.

Kum 1972-a Mizo District Council tihtâwp a lo nih khân, The Dissolution of Mizo District Council (miscellaneous Provisions) Order 1972 chuan he Dân hi Union Territory Sorkâra hman zui tûrin a lo ti (adapt) a. Thu thenkhat siam ngai erawh a awm nual : ‘Lushai Hills District’ aiah ‘Mizoram’ tihte ‘District Council’ leh ‘Executive Committee’ aiah ‘Government’ tih ang chi te. Kum 1987-ah State puitlinga Mizoram hlân kai a lo nih kha, The State of Mizoram Adaptation of LAWS order (No. 2) of 1987 chuan State Sorkâr-a hman tûrin a lo adapt leh ta zêl a, vawiin thlengin a ding ta zêl a ni.

Hei hi lo ram thehna Dân a ni mai a, a Dân pumpui târ lang loin Village Council tâna hriat tûr leh hman tûr laite duh tâwk mai ila; heti angin :-

1. Ram theh hun : Ram theh hun Sorkâr-in a ruat leh puan hunah ram theh tûr a ni.

2. Lo/ram theh :
   (1) Village Council chuan a ram chhûngah lo ram a theh thei.
   (2) Village Council chuan kum tin September thlain a ram chhûnga ram theh tûr lai leh a zau zâwng leh chhûngkaw eng zât tâna thlawhhma leng awm nge a nihte ziakin Sorkâr hnênah emaw, Sorkâr ruat Officer hnênah emaw a report ang.
   (3) Sub.- Section (2) hnuaia report a lo hmuh chuan, Sorkâr emaw Sorkâr ruat Officer emaw chuan ram theh chungchângah a tûl ang zêlin kaihhruaina a chhuah thei a, Village Council chu zâwm ngei tûra ngaih a ni.
   (4) Sorkâr emaw Sorkâr ruat Officer emaw chuan -
   (a) Village Council ram theh chungchânga thubuai (dispute) a awm chuan ram a theh thei.
   (b) Chhan tha tâwk avânga Sorkârin tûl a tih chuan, khaw khat ram chhûnga mi pawh khaw dang (te) thlawhhma atân a theh thei.
   Chuti ang chungchângah chuan Sorkâr thu chu thu tâwp (final) leh zawm ngei tûr (binding) a ni.

3. Tu mahin thlawhhma ram thlang hmasatu nih an hauh thei lo.

4. Ram \heh Dân hmang : Village Council chuan heti ang kawng hian ram a \heh thei -
   (a) Lo ram chhinchhiahsa atana \hum vâwrin.
   (b) Lo ram thlang hmasa tûr indawt siam tûra \hum vâwrin.
   Hrlhfiahna : (a) hi chuan lo tin number pe sa diamin, chu number pawt chuan a lo chu a nei ang tih a kâwk a; (b) hi chuan number hmasa pawt apiangin an duh ram an thlang hmasa ang tih a kâwk.

5. ............................................

6.   Leilung luang ral vênna :
   (1) Sorkârin ram ngaw (re-afforestation) siam \ûl a tihna hmunah chuan ram \heh a khap thei a, a ram chin sawi chiangin Order a chhuah thei.
   (2) Lo ram chhunga thingkih tam luatin leilung a luan raltir nasa emaw, tuihna a tikang emaw nia a lan chuan, chuti ang ram chu Sorkârin ‘Protected Forest’-ah puangin a chhûnga thing kih a khap thei.
   (3) Chuti ang thil a awm nia a lan chuan Sorkâr chuan ‘Protected Forest’ puang kher loin kum 10 aia tam lo thlawhhma neih a khap thei.
   (4) Thawlhhma ram atâna lo hmang thîntu mipuite thu sawi theihna hun pe hmasa lo chuan Sorkârin Sub.-Section (2) leh Sub.-Section (3) hnuaiah chuti ang thupêk chu a siam lo ang a, mipuite ngaih dân a hrait vek hnuah thu tlinga a pawmsak loh erawh chuan chuti ang order chu a siam tho thei.
   (5) Bawrhsâp hnên atanga ziaka phalna hmu hmasa lo chuan Sorkâr kawngpui kam tuak feet za (100 ft.) huam chhûngah thlawhhma neih phal a ni lo.
   (6) Tuihna vawn him nâna a pawimawh chuan eng ramah pawh Sorkârin thlawhhma neih a khap thei a; mahse, a khaw miten thingtuah ilo an lâk chu a khap tel lo ang.

7. Ram theh chungchânga thubuai (disputes) chu Sorkâr emaw Sorkâr ruat Officer-in a rêl thei a, a thu pawh thu tâwp a ni ang.

8. Hremna :
(1) Tu pawh (ram theh chungchânga) Sorkâr thupêk emaw, Sorkâr ruat Officer thupêk emaw, Village Council thupêk emaw bawhchhe luitu Chu Rs. 500/- (Chêng zanga) chawitîr thlenga hrem theih a ni.

(2) Tu pawh thlawhhma ram pawm tawh zeta chhan tha tâwk awm loa nei leh si lo chu Rs. 500/- thleng chawtîr theih a ni.

9. Village Council thiah a nih chuan Sorkâr-in thupêk (instruction) a siam angin ram theh a ni ang.